നല്ലൊരു ലേഖനം.. വളരെ അർത്ഥവത്തായത്👌👌...അവശ്യം വായിക്കേണ്ടത്

കടപ്പാട് : Anil Kadooraan ji

👇👇👇👇👇👇👇👇👇👇👇👇👇👇👇

ജാതകമെന്നതും അതു വിശകലനം ചെയ്യുന്ന ജ്യോതിഷികളും അത്ഭുതം സൃഷ്ടിക്കുന്നവരും ഒപ്പം അമാനുഷികരുമല്ല എന്നതാണ് യാഥാർഥ്യം !!

കാലത്തു 10 മണിക്കൊരു ഉദ്യോഗസംബന്ധി ആയ അഭിമുഖം ഉണ്ടെങ്കിൽ 9 മണിക്കെങ്കിലും ആ സ്ഥലത്തു എത്തുവാനുള്ള മനസ്സുണ്ടാവണം.. ആ മനസ്സുണ്ടെങ്കിൽ മാത്രമേ അയാളെ ദൈവവും വിധിയും കൂടെ നിന്നു അനുഗ്രഹിക്കൂ എന്നതും അറിയണം.. 

9 മണിക്കെങ്കിലും എത്തുമെന്നു ഉറപ്പിൽ വീട്ടിൽ നിന്നു ഇറങ്ങുമ്പോൾ ആവും അപ്രതീക്ഷിതമായി മിന്നൽ ബസ് സമരം വരിക.. ഓടിയും നടന്നും കിതച്ചും ലക്ഷ്യസ്ഥാനത്തേക്കു പായുമ്പോൾ ആവും അവിടെ ഒരു ഇരുചക്ര വാഹനക്കാരൻ വരികയും അപ്രതീക്ഷിതമായി ലിഫ്റ്റ് നൽകി ലക്ഷ്യസ്ഥാനത്തു എത്തിക്കുകയും ചെയ്യുന്നത്... !!... അവിടെ ആണ് താൻ പാതി ദൈവം പാതി എന്നത് പ്രവർത്തിക്കുന്നത്.. !!

തനിക്കു നല്ലതും ഉന്നതിയും വരണമെന്ന് സ്വകാര്യമായെങ്കിലും ആഗ്രഹിക്കുന്നവർ സ്വന്തം ഗ്രഹനിലയിൽ അതിനുള്ള ഭാഗ്യമുണ്ടോന്നു അന്വേഷിച്ചു പോവുന്നതിനു മുൻപ് താൻ അതിനു യോഗ്യനാണോ എന്നു സ്വയം ചിന്തിച്ചു നോക്കണം...സ്വന്തം വീട്ടിൽ ഒരാൾ പോലും സർക്കാരുദ്യോഗത്തിൽ ഇല്ലാത്തവൻ പിഎസ് സി പരീക്ഷ എഴുതാതെ സർക്കാർ ജോലി കിട്ടുമെന്ന് വ്യാമോഹിക്കരുത്.. പാസ്പ്പോർട് ഇല്ലാത്തവൻ ഗൾഫിലേക്ക് വിസ അന്വേഷിച്ചു പോവരുത്.. !!

ഓരോരോ കാലത്തേക്കും നിങ്ങളുടെ ജീവിതം ശുഭമാണോ അശുഭമാണോ വിഷമതകൾ നിറഞ്ഞതാണോ എന്നതു നിങ്ങളുടെ തലക്കുറിയിലൂടെ അറിയാൻ ആവും.. നല്ലൊരു ജ്യോതിഷിയുടെ കൈയിൽ ആണ് നിങ്ങളുടെ ജാതകമെഴുതിയ കടലാസ് കിട്ടിയത് എങ്കിൽ കൃത്യമായും അവരത് നേരിൽ കാണുന്നത് പോലെ പറഞ്ഞിരിക്കും.. ഒരിക്കൽ ഒരു ജ്യോതിഷിയുടെ അടുത്തൊരു കുടുംബം വന്നിട്ടു തങ്ങളുടെ മകന്റെ വിവാഹം കഴിഞ്ഞു 3 വർഷം ആയെന്നും മുത്തശ്ശനും മുത്തശ്ശിയും ആവാൻ കാത്തിരിക്കുന്ന തങ്ങൾക്കു നിരാശ ആണെന്നും പറഞ്ഞവർ ജാതകമെഴുതിയ തുണ്ട് കടലാസ് സ്വാതികനായ ആ ജ്യോതിഷിയുടെ കൈയിൽ നൽകുകയും.... ഇതിൽ ഒരാളുടെ ജാതകമേ ഉള്ളൂലോ മറ്റേ ജാതകം എവിടെ എന്നു അന്വേഷിച്ചപ്പോൾ തന്ന പേപ്പറിന്റെ മറുപുറം നോക്കൂ എന്നു വന്നവർ പറഞ്ഞു.. !! ഉടൻ ജ്യോതിഷി പറഞ്ഞു.. അവരിങ്ങനെ തിരിഞ്ഞും മറിഞ്ഞും ജീവിച്ചാൽ എങ്ങനെ കുട്ടികൾ ഉണ്ടാവും എന്നു... സംഭവം പിന്നീട് അന്വേഷിച്ചു വന്നപ്പോൾ ഭാര്യക്ക് നൈറ്റ് ഡ്യൂട്ടിയും ഭർത്താവിന് പകലും ജോലിക്ക് പോവണം.. അവർക്കൊരുമിച്ചു സന്തോഷം ആയി ജീവിക്കാൻ ആയിരുന്നില്ല ആ കാലയളവിൽ.. !!

പറഞ്ഞുവന്നത് എന്താണെന്ന് ചോദിച്ചാൽ നേരിട്ടു ഒരു ജ്യോതിഷിയോടു ചോദിക്കുന്ന പോലെ ആവില്ല ഓൺലൈൻ ചോദ്യങ്ങൾ... രാജയോഗം എന്നത് രാജാവിന് രാജ്യം ലാഭം കിട്ടുമ്പോൾ മുക്കുവനു അന്നുവരെ കിട്ടിയതിൽ വെച്ചും ഏറ്റവും മുഴുത്ത മീനിനെയും യാചകനു നല്ല ഭക്ഷണവും അധികം മുഷിയാത്ത വസ്ത്രങ്ങളും കച്ചവടക്കാരന് കച്ചവടത്തിൽ മുമ്പുള്ളതിനേക്കാൾ ലാഭവും ലഭിക്കും.. !!

ജാതകം കാല സൂചനകൾ ആണു... ഇതൊക്കെ ആണു ഇന്നയിന്ന കാലങ്ങളിൽ സംഭവിക്കുക എന്നതു തിരിച്ചറിയാൻ ഉള്ള സൂചനകൾ.. അതെങ്ങനെ സ്വീകരിക്കണം എന്നത് നിങ്ങളുടെ തീരുമാനം ആണു.. .. കണ്ടകശ്ശനി നാലിൽ നിൽക്കുന്ന ഒരുത്തൻ ബൈക്കിൽ 120 കിലോമീറ്റർ സ്പീഡിൽ പോയാൽ അവന്റെ വാഹനത്തിനു ഉണ്ടാവുന്ന ആഘാതം വലുതാവും... അതേ സമയം അവൻ ഒരു 30- 50 കിലോമീറ്റർ സ്പീഡിലും ഹെൽമെറ്റും ഒക്കെ ധരിച്ചു ആയിരുന്നു യാത്ര എങ്കിൽ ആഘാതം കുറയും... ആ വിധി തിരഞ്ഞെടുക്കേണ്ടത് നിങ്ങളാണ്... അല്ലാതെ ജ്യോതിഷ ഗ്രൂപ്പുകളോ ജ്യോതിഷികളോ അല്ല...